How To Choose Your Printer

02/04/2019

*عايز تشتري طابعة

-ايوا

*طيب تعرف ايه عن الطابعات

-معلومات عادية

*طب ماتيجي معايا كده ناخد جولة نعرف فيها يعني ايه طابعة وانت تقدر تختار اللي يناسبك وبسهولة كمان

-يلا بينا

*بص ياسيدي الطابعات بشكل عام بتنقسم لنوعين الوان او ابيض واسو او ف مصطلح اخر

ink & laser

وهشرحلك بالتافصيل خصائص كل نوع واستخداماته

هنبداء ب الالوان وده برضو بينقسم لنوعين

inkjet &inktank

النوع الاول (inkjet)

وده بداء يصنع اواخر القرن العشرين ومن اكتر الحاجات اللي بتميز النوع ده من الطابعات ان سعرها رخيص جدا مقارنتا ب امكانيتها الكتيرة جدا جدا وبكفاءة عالية

ومن عيوبها بقي إنها بطيئة نوعا ما اقصي سرعة بتوصلها 22ورقة ف الدقيقة كحد اقصي. ومنقدرش نقول كمان انها موفرة ف الطباعة علي المدي البعيد ولازم تستخدم ب استمرار علشان نوع الحبر المستخدم سائل وده بيجف داخل الحبارات بسرعة.

كده خلصنا كلام عن

ندخل بقي علي اختها ال

ink tank ......

ال inktank بقي هي طابعة كلها مميزات

اول ميزة فيها هي انها بتوصل معاك في طقم الحبر لحد 15000 صفحة كمتوسط استخدام ومش بتتعامل مع حبارات نهائي.

تاني ميزة تاني ميزة بقي انك تقدر تستخدم اكتر من حجم للورق وممكن يوصل معاك لحد 300 جرام للورقة الواحدة. يعني ممكن تطبع عليها شهدات تقدير وصور فوتغرافية وبجودة عالية كمان.

تالت ميزة بقي انك بتستخدم اكتر من نوع حبر حسب احتياجاتك.

(مش كل الشركات المصنعة فيها الميزة دي)

سعرها مقبول جدا بالنسبة لإمكانيتها واساخدامتها المتعددة.

ومن اكتر عيوبها إن لم يكن الوحيد إن سرعة الطباعة بتوصل ل 14 ورقة في الدقيقة كحد اقصي.......

كده خلصنا الالوان ناخد لفة بقي ف الابيض واسود

ال laserjet

والنوع دع معروف ب اسم الطابعات الاقتصادية ‘ لإن سرعة الطباعة فيها بتوصل ل 40 ورقة ف الدقيقة. حبارتها رخيصة مقارنتا بعدد الورق اللي بتعمله وبتبداء من 1500 ورقة لحد 4000 ورقة للحبارة. وممكن كمان تستخدمها علي فترات لان نوع الحبر بودر مش سائل (لا يجف) .وبتستخدم بكثرة ف الشركات والمصانع والمكتبات.

ومن عيوبها ان سعرها غالي مقارنتا ب الinkjet ...

وبس كده اتمني تعرف تختار الطابعة المناسبة ليك

Comments

No posts found

Write a review